ყოველთვიური ვადები: მომდევნო თვის 15 რიცხვი
ყოველთვიური დეკლარაციები და გადახდები საქართველოში ბარდება საანგარიშო პერიოდის მომდევნო თვის 15 რიცხვამდე. ეს ერთი თარიღი ერთდროულად რამდენიმე ვალდებულებას აერთიანებს:
- მოგების გადასახადი (შპს და სხვა იურიდიული პირი): 15%, ესტონური მოდელით, იბეგრება მოგების განაწილებისას
- დღგ: 18%, თუ დღგ-ს გადამხდელად ხართ რეგისტრირებული
- ხელფასის საშემოსავლო: 20%, თუ დაქირავებული გყავთ
- დაგროვებითი საპენსიო შენატანი: 2%+2%+2%, ხელფასთან ერთად
- მცირე ბიზნესის დეკლარაცია: 1% ბრუნვაზე
- ფიქსირებული გადასახადი: კონკრეტული საქმიანობებისთვის დადგენილი თანხა
| ფაქტობრივი ვადა 2026 | საანგარიშო პერიოდი | წესით დადგენილი თარიღი |
|---|---|---|
| 15 იანვარი | დეკემბერი 2025 | 15 იანვარი, ხუთშაბათი |
| 16 თებერვალი გადაწეული | იანვარი 2026 | 15 თებერვალი, კვირა |
| 16 მარტი გადაწეული | თებერვალი 2026 | 15 მარტი, კვირა |
| 15 აპრილი | მარტი 2026 | 15 აპრილი, ოთხშაბათი |
| 15 მაისი | აპრილი 2026 | 15 მაისი, პარასკევი |
| 15 ივნისი | მაისი 2026 | 15 ივნისი, ორშაბათი |
| 15 ივლისი | ივნისი 2026 | 15 ივლისი, ოთხშაბათი |
| 17 აგვისტო გადაწეული | ივლისი 2026 | 15 აგვისტო, შაბათი |
| 15 სექტემბერი | აგვისტო 2026 | 15 სექტემბერი, სამშაბათი |
| 15 ოქტომბერი | სექტემბერი 2026 | 15 ოქტომბერი, ხუთშაბათი |
| 16 ნოემბერი გადაწეული | ოქტომბერი 2026 | 15 ნოემბერი, კვირა |
| 15 დეკემბერი | ნოემბერი 2026 | 15 დეკემბერი, სამშაბათი |
„გადაწეული" ნიშნავს, რომ 15 რიცხვი შაბათ-კვირას ან ოფიციალურ უქმე დღეს დაემთხვა და ვადა მომდევნო სამუშაო დღეზე გადავიდა. სრული სია იხილეთ გვერდზე უქმე დღეები 2026.
წლიური ვადები 2026
წელიწადში რამდენიმე ფიქსირებული თარიღია, რომლებიც თვის 15 რიცხვს არ უკავშირდება. ისინი სტატუსისა და საქმიანობის მიხედვით ვრცელდება:
| ვადა | ვალდებულება | ვის ეხება |
|---|---|---|
| 31 მარტი | წლიური საშემოსავლო დეკლარაცია გასული წლის შემოსავლის დეკლარირება და გადახდა. მიკრო ბიზნესი დეკლარაციას წარადგენს 0% განაკვეთით. |
ინდმეწარმე (20%), მიკრო ბიზნესი, ფიზიკური პირი წყაროსთან დაუბეგრავი შემოსავლით |
| 1 აპრილი | ქონების გადასახადი (იურიდიული პირი) წლიური დეკლარირება და გადახდა, საშუალო წლიური ნაშთის მაქსიმუმ 1%. |
შპს და სხვა იურიდიული პირი, რომელსაც ბალანსზე ქონება ერიცხება |
| 1 ოქტომბერი | ფინანსური ანგარიშგება (SARAS) წლიური ფინანსური ანგარიშგების წარდგენა reportal.ge-ზე. |
ყველა კომერციული იურიდიული პირი; ინდმეწარმე მხოლოდ I, II ან III ზომითი კატეგორიისას |
| 2 ნოემბერი გადაწეული 1 ნოემბრიდან | ქონების გადასახადი, დეკლარაცია (ფიზიკური პირი) დეკლარაციის წარდგენა. გადახდის ვადა ცალკეა, ქვემოთ. |
ფიზიკური პირი, რომლის ოჯახის წლიური შემოსავალი აღემატება 40,000 ₾-ს |
| 16 ნოემბერი გადაწეული 15 ნოემბრიდან | ქონების გადასახადი, გადახდა (ფიზიკური პირი) დარიცხული ქონების გადასახადის გადახდა. |
იგივე პირები, ვინც ნოემბრის დასაწყისში დეკლარაცია წარადგინა |
ვადები საგადასახადო სტატუსის მიხედვით
ყველა ვადა ყველას არ ეხება. აირჩიეთ თქვენი სტატუსი და ნახეთ, კონკრეტულად რა და როდის გევალებათ:
ზღვრები, რომლებსაც თვალყური უნდა ადევნოთ
დაგვიანების ფასი
საურავი არის გადაუხდელი გადასახადის 0.05% ყოველ ვადაგადაცილებულ დღეზე (საგადასახადო კოდექსის 272-ე მუხლი).
დეკლარაციის დაგვიანებით წარდგენაზე (საგადასახადო კოდექსის 274-ე მუხლი) ჯარიმაა გადასახდელი თანხის 5%, თუ ვადის გადაცილება 2 თვემდეა, და 10%, თუ 2 თვეზე მეტია.
საურავი ერიცხება გადახდის დაგვიანებას, ჯარიმა კი დეკლარაციის წარდგენის დაგვიანებას. ორივე ერთდროულად შეიძლება დაგერიცხოთ. ხანგრძლივი ვადაგადაცილებისას საბოლოო თანხა rs.ge-ზე უნდა გადამოწმდეს.
ხშირად დასმული კითხვები
როდის არის საგადასახადო დეკლარაციის ვადა საქართველოში?
ყოველთვიური დეკლარაციების (მოგების გადასახადი, დღგ, ხელფასის საშემოსავლო, საპენსიო შენატანი, მცირე ბიზნესის 1%, ფიქსირებული გადასახადი) ვადა არის მომდევნო თვის 15 რიცხვი. წლიური საშემოსავლო დეკლარაციის ვადა 31 მარტია. თუ ვადა შაბათ-კვირას ან ოფიციალურ უქმე დღეს ემთხვევა, ის მომდევნო სამუშაო დღეზე გადადის.
რა მოხდება, თუ 15 რიცხვი შაბათს ან კვირას დაემთხვევა?
ვადა ავტომატურად გადადის მომდევნო პირველ სამუშაო დღეზე. იგივე წესი მოქმედებს ოფიციალურ უქმე დღეებზეც. Bugalteri ამ წანაცვლებას თავად ითვლის და შეხსენებას სწორ თარიღზე გიგზავნით.
რა ჯარიმა ერიცხება დაგვიანებულ დეკლარაციას?
დეკლარაციის დაგვიანებით წარდგენაზე (საგადასახადო კოდექსის 274-ე მუხლი) ჯარიმაა გადასახდელი თანხის 5%, თუ ვადის გადაცილება 2 თვემდეა, და 10%, თუ 2 თვეზე მეტია. გადახდის დაგვიანებაზე ცალკე ერიცხება საურავი, დღეში 0.05% (272-ე მუხლი). ორივე ერთდროულად შეიძლება დაგერიცხოთ.
როდის ხდება დღგ-ს რეგისტრაცია სავალდებულო?
დღგ-ს რეგისტრაცია სავალდებულო ხდება, როცა უწყვეტი 12 კალენდარული თვის ბრუნვა გადააჭარბებს 100,000 ₾-ს. დღგ-ს განაკვეთი 18%-ია, დეკლარაცია და გადახდა ყოველთვიურია, მომდევნო თვის 15 რიცხვამდე.
ყველა კომპანიას ერთი და იგივე ვადები აქვს?
არა. ვადები დამოკიდებულია საგადასახადო სტატუსზე და იმაზე, გყავთ თუ არა დაქირავებული, ხართ თუ არა დღგ-ს გადამხდელი. მაგალითად მიკრო ბიზნესს მხოლოდ წლიური დეკლარაცია აქვს, შპს-ს კი ყოველთვიური მოგების დეკლარაცია. სტატუსების დეტალები ცალკე გვერდებზეა.
წყაროები და განახლება
მონაცემთა ვერსია: 2026.07.1 · ბოლო გადამოწმება: 2026-07-01
ამ გვერდზე მოცემული ვადები, განაკვეთები და ზღვრები აღებულია იმავე მონაცემთა ფაილიდან, რომელსაც Bugalteri აპლიკაციის ვადების ძრავა იყენებს. ისინი გადამოწმებულია შემდეგ ოფიციალურ წყაროებთან:
- საქართველოს საგადასახადო კოდექსი (matsne.gov.ge)
- შემოსავლების სამსახური (rs.ge)
- დაგროვებითი საპენსიო სქემა (finedu.gov.ge)
გაფრთხილება. ეს გვერდი საინფორმაციოა და არ წარმოადგენს იურიდიულ ან საგადასახადო კონსულტაციას. განაკვეთები, ზღვრები და ვადები პერიოდულად მოწმდება ოფიციალურ წყაროებთან (matsne.gov.ge, rs.ge, საპენსიო სააგენტო). კონკრეტულ სიტუაციაში გადაწყვეტილების მიღებამდე ინფორმაცია rs.ge-ზე გადაამოწმეთ ან ბუღალტერს მიმართეთ.
ვადა აღარ გამოგრჩეს
Bugalteri ამ ვადებს თქვენს საგადასახადო სტატუსზე მორგებულად ითვლის და თავად შეგახსენებთ. პირველი 7 დღე უფასოა.